Rem Tenē Episodion Duodēnōnāgēsimum: dē memoriā colendā
Rem Tenē Episodion Duodēnōnāgēsimum: dē memoriā colendā
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē dē memoriā colendā loquī velim!
Memoria hūmāna est rēs mīrābilis. Memōria mīrābilis est quia omnēs rēs meminisse, nova discere, et quidem vītam agere possumus ob memoriam. Sine memoriā, vīvere facile nōn possēmus. Exemplī grātiā, sine memoriā, mala agerēmus quae iam ēgimus. Discere nōn possēmus. Memoria etiam nōs dēcipere potest. Memoria enim interdum nōn est firma et rēs pravē meminisse possumus. Et cum rēs ē memoriā rēvocantur, et paulum mūtantur! Quam fallāx est memoria hūmāna!
Hodiē tamen dē memoriā fallācī loquī nōlō. Immō, dē memoriā colendā et firmandā loquī velim. Omnēs enim ob memoriam omnia discimus. Linguam Latīnam ob memoriam discimus! Ad loquendum dē memoriā colendā et firmandā, vōbīs imāginem prōpōnere velim. Ecce imāgo!
Finge animō tē esse in campō. Herba longa est et omnia viridia sunt. Pulchrum est. Trānsīre vīs ad lacum quī trāns campum situs est. Hōc tamen in campō, nūllae sēmitae sunt. Difficile tamen est per campum ambulāre ob herbās longās. Sed ambulandum est! Tū igitur trāns campum ambulās. Nōn est facile. Lentē et difficile ambulās. Tandem trāns campum trānīs et ad lacum pervenīs. Quamquam arduum fuit trāns campum trānsīre, suāve etiam fuit nam lacus est pulcher. Post hōram, tibi redeundum est. Trāns campum igitur trānseundum est. Trāns campum trānsīs. Est difficile trānsīre sed in iīsdem vestīgiīs ambulās neque tam diffcile est quam fuit. Nōndum est sēmita. Posterō diē, ad lacum īre vīs ergō in iīsdem vestīgiīs trāns campum trānsīs. Nōn tam difficile est trānsīre quam herī. Cotidiē ad lacum īs et, in diēs facilius est ad lacum pervenīre nam herbae nōn tam longae sunt ob vestīgia tua. Post ūnum mēnsem ad lacum ambulandī, iam est sēmita et facile est ad lacum īre!
Haec imāgo quam vōbīs narrāvī est trānslatiō memoriae hūmānae. Cum rem novam discis, est arduum et difficile nam nihil scīs. Multō igitur labōre discendum est. Sed, in diēs, sī eadem facis et discis, facilius est rem novam discere. Post aliquid temporis, est valdē facile. Crebrō enim est faciendum sī rem discere vīs. Ad sēmitam faciendam, nōn fuit necesse maximō labōre currere. Tantum aliquid parvī cotidiē est faciendum.
Quid autem sī aliam novam rem discere vīs? Nova sēmita est facienda.
Et sīc memoriam colimus et firmam facimus.
Bene, satis est. Haec hodiē habuī quae dīcerem!
Placuitne vōbīs haec imāgo?
Nōbīs scrībere potestis apud situm nostrum habesnelac.com/contact. Volumus audīre rēspōnsa vestra ergō scrībite! Grātiās vōbīs agimus quod nōs loquentēs audītis et, ut semper, patrōnīs nostrīs apud Patreon quam maximās grātiās agimus! Sī vultis fieri patrōnī nostrī, īte ad ligāmen quod infrā positum est. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
