Rem Tenē Episodion nōnāgēsimum: III cōnsilia ad linguās discendās mala
Rem Tenē Episodion ūndēnōnāgēsimum: III cōnsilia ad linguās discendās mala
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē dē tribus cōnsiliīs ad linguās discendās malīs loquī velim! Passim in rete omnium gentium, sunt hominēs quī dē linguīs discendīs loquuntur. Cōnsilia dant. Alia cōnsilia bona sunt, alia mala. Saepe tamen, cōnsilia varia sunt et inter sē pugnant. Certa autem est ratiō linguārum discendārum. Nōn sunt sēcrēta et arcāna haec cōnsilia. Tria tamen cōnsilia quae saepe audiō vōbīs dīcere velim. Haec cōnsilia nōn sunt capienda sī linguam bene ēdiscere vīs.
Cōnsilium prīmum est hoc: omnia vertere in sermōnem patrium. Multī hominēs cum novam linguam discant hoc agere volunt. In initiō, interdum necesse est. Sī semper hoc ēgeris, tamen, lentissimē et malē discēs.
Cōnsilium secundum est hoc: omnia vocābula quae nescīs in lexicō quaerere. Vocābula maximē ē circumiacentibus suās significātiōnēs habent. Ecce exemplum: ignem faciō quia frigidum est caelum. Conrādum, amīcum meum, magnī faciō quia bonus amīcus et magister est. ē circumiacentibus, sēnsum vocābulī faciendī differre vidēmus. Haec in lexicō quaerere possumus, sānē, sed lentius et difficilius est! Circumiacentia semper inspicite, sodālēs!
Ante cōnsilium tertium, sī placet vōbīs hoc episodion, facite nōs certiōrēs commentāriīs vestrīs! Sī placent haec omnia, grātiās agite patrōnīs nostrīs apud Patreon. Ob eōs haec omnia fieri possunt. Ad cōnsilium tertium!
Cōnsilium tertium et ultimum est hoc: grammaticam prīmum discere. Multī hominēs quī linguās discunt et docent hoc pravē intellegunt. Lingua nōn ē grammaticā venit. Grammatica ē linguā venit. Linguam disce, nōn grammaticam. Posteā, sī vīs, grammaticam discere potes. Multī tamen sunt quī linguīs nōn patriīs loquuntur nec grammaticam sciunt. Grammaticam discere saepe est obstaculō nōbīs, nōn beneficiō.
Bene, satis est. Haec hodiē habuī quae dīcerem!
Nōbīs scrībere potestis apud situm nostrum habesnelac.com/contact. Volumus audīre rēspōnsa vestra ergō scrībite! Grātiās vōbīs agimus quod nōs loquentēs audītis et, ut semper, patrōnīs nostrīs apud Patreon quam maximās grātiās agimus! Sī vultis fieri patrōnī nostrī, īte ad ligāmen quod infrā positum est. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
