Rem Tenē Episodion Octōgēsimum et Tertium: Dē modō tenendō
Rem Tenē Episodion Octōgēsimum et Tertium: Dē modō tenendō
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum dē mediocritāte aureā loquī velim. Rōmānī et Graecī mediocritātem magnī aestimābant. Exemplī grātiā, Delphīs haec verba īnscrībēbantur: Μηδὲν ἄγαν. Haec verba Latīne significant: nihil nimium cupere. Multī poētae Rōmānī et Graecī dē mediocritāte scrībēbant. Hoc maximē in fābulā Daedalī et Icarī vidēmus. Episodion nostrum in quō fābulam eōrum narrāmus in descriptiōne huius pelliculae est.
Multī et philosophī dē hāc mediocritāte loquēbantur. Exemplī grātiā, Aristotlēs, philosophus Graecus et magister Alexandrī Magnī mediocritātem maximī aestimābat. Sī quid nimium agimus, malum est. Sī quid parum agimus, malum est. Modum tenēre nōs oportet. Ecce exemplum: Fortitūdo. Sī contrā perīculum fortēs sumus, hoc bonum est. Sī parum fortēs sumus, ignāvī sumus quod malum est. Sī nimium fortēs sumus, temerāriī sumus quod malum est. Modum tenēre nōs oportet. In multīs rēbus, mediocritātem virtūtem esse putō, nōn vitium. Mē rogō, tamen, an hoc semper vērum sit. Oportetne nōs semper modum tenēre? Exemplī grātiā, dē gaudiō cōgitō. Nimiumne gaudiī habēre possumus? Nōn semper modum teneō, peccōne?
Bene, satis est. Haec hodiē habuī quae dīcerem! Quid vōs? Quid dē mediocritāte putātis? Estne semper bona et aurea? Vōsne bene modum tenētis? Facite nōs certiōrēs!
Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur.
