Rem Tenē Episodion Octōgēsimum et Quārtum: Dē Citō Loquendō
Rem Tenē Episodion Octōgēsimum et Quārtum: Dē citō loquendō
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum dē citō loquendō loquī velim. Ut fortasse iam scītis, ego citō Latīnē loquor. Vērē, omnibus linguīs quās sciō citō loquor. Citō loquī et aliōs citō loquentēs audīre semper mihi placuit cum puer essem et iam mihi virō placet. Multī hominēs mē interrogant quōmodō citō loquī possīmus? Iam vōbīs hoc praecipiam.
Inprīmīs tamen quid est loquī? Loquī est aliquid ōre dīcere quod ex animō nostrō venit. Aliquid enuntiāre ōre est fārī. Infantēs nōn fantur neque loquuntur. Aliud etiam est recitāre et aliud est loquī. Recitāre est verba scrīpta ōre et vōce enuntiāre. Sī recitāmus, nōn prōrsus ea quae ex animō nostrō veniunt dīcimus.
Cūr haec omnia vōbīs dīcō? Ita haec dīcō quia ūtile est discrīmen scīre sī citō loquī volumus.
Citō loquī ē duābus rēbus cōnstat: animō et ōre. Animus enim verba facit et ōs ea enuntiat.
Nisī permulta audīmus et legimus, loquī nōn possumus. Fortasse recitāre possumus sed loquī nōn possumus. Ergō, multum audīre et legere nōs oportet. Nisī hoc faciāmus, nec citō nec lentē loquī poterimus. Postquam multum lēgistī et audīvistī, loquendum est! Cum quō? Cum hominibus certē sed etiam tēcum. Loquere tēcum dē omnibus quae agis, ēgistī, et agere vīs.
Sed ōs etiam est pars corporis. Ut bracchia, crūra, pectus, ōs et exercēre possumus. Quōmodō ōs exercēre possumus? Ita recitandō et cantandō. Carmina citō cantāre et textūs citō recitāre ōs exercet.
Ita ōs exercēre possumus recitandō et cantandō et animum legendō, audiendō, et loquendō et cum hominibus et tēcum.
Bene, satis est. Haec hodiē habuī quae dīcerem! Quid vōs? Vōsne citō loquiminī? Citō loquī vultis? Consiliane haec vōbīs bona esse videntur? Facite nōs certiōrēs!
Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur.
