Rem Tenē Episodion Octōgēsimum et Sextum: Dē V Linguīs Quās Discere Volō
Rem Tenē Episodion Octōgēsimum et Quartum: Dē Linguis Mihi Discendis
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum dē V linguīs quās discere volō loquī velim. Tot gentēs, quot linguae! Iam loquor sex ferē linguīs. Sī vultis episōdion nostrum dē hāc rē audīre, vinculum in dēscriptiōne huius pelliculae est positum. Tam multae sunt linguae quās et discere volō! Omnis enim lingua suam pulchritūdinem habet. Sunt tamen V linguae quās hīs diēbus maximē discere volō. Ecce index linguārum quās discere velim!
In prīmō locō stat lingua Arabica. Lingua enim Arabica pulcherrima est! Cum hominēs hāc linguā loquentēs audiam, sonum linguae multum admīror. Multī etiam sunt hominēs quī hāc linguā loquuntur, ergō nōn sōlum pulchra est sed etiam ūtilis mihi esse vidētur. Multa etiam sunt antiqua monumenta quae in terrīs Arabicē loquentium sita sunt. Multa etiam vocabula linguae Hispānicae ē linguā Arabicā veniunt et orīginēs vocabulōrum scīre mihi magnae voluptātī est!
In secundō locō stat lingua Sērica vel lingua Mandarīna. Nōn sōlum multī sed plūrimī sunt hominēs quī hāc linguā loquuntur. Multī etiam discipulī quī nostrum lycēum frequentant ē Sīnīs veniunt. Cum illīs linguā eōrum loquī volō!
In tertiō locō stat lingua Lusitānica. In Lusitāniā sunt permulta monumenta antiqua Rōmāna. Lingua Lusitānica etiam valdē similis linguīs et Hispānicae et Latīnae (quibus iam loquor), ergō putō mē eam discere posse citius. Haec lingua mihi et pulchra esse vidētur.
In quartō locō stat lingua Turcica. In Turciā enim sunt et multa monumenta antīqua et illūc invīsere velim ad ea videnda! Sunt etiam multī discipulī nostrī quī ē Turciā veniunt et cum illīs loquī velim. Lingua et pulchra mihi esse vidētur.
Tandem ad postrēmam linguam veniō. Prīmum, sī placet vōbīs haec pellicula nostra, fortasse canālī nostrō subscribere vultis, nam nōbīs magnō auxiliō est! Grātiās agimus! Prōstrēmō, linguam Suahelicam discere velim. Lingua Suahelica lingua Africāna est ē familiā Bantuēnsī. Haec lingua mihi valdē pulchra esse vidētur.
Sunt etiam aliae linguae quās discere volō, sānē, sed hae quīnque linguae sunt proximæ quās discam!
Bene, satis est. Haec hodiē habuī quae dīcerem! Quid vōs? Estne lingua tua in indice meō? Vultisne vōs eāsdem linguās discere atque ego? Aliās discere vultis? Facite nōs certiōrēs!
Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur.
