Rem Tenē Episodion Septuāgēsimum et Septimum: Fabula Aesopica (Canis Carnem Ferens)
Rem Tenē Episodion Septuāgēsimum et Septimum: Fabula Aesopica (Canis Carnem Ferens)
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīs fābulam Aesopicam narrāre velim! Ad fābulam!
Ecce canis! Canis gaudet quia carnem habet. Caro canem multum dēlectat et eam comedere cupit. Canis igitur carnem domum ferre dēbet. Domus tamen canis nōn prope sed procul ab eō abest. Canis laetus carnem per silvam fert. Canis laetus carnem per campum fert. Canis maximē gaudet et carnem suam comedere maximē cupit. Tandem ad flūvium venit. Canis per flūvium natat et carnem fert. Carnem ōre tenet dum natat. Aqua flūviī pūra et limpida est. Est sīcut speculum! Canis, cum carnem ferat, aquam spectat et, quid est hoc? cōgitat. Ecce alter canis! Canis cōgitat alter canis est…cum carne! Caro ista aliēna tam pulchra est! Eam comedere cupiō! Sī carnem eius cēperō, duās habēbō, nōn tantum ūnam! Canis spectat alterum canem et carnem aliēnam ōre adpetit. Dum carnem aliēnam ōre adpetit, propriam amittit. Canis confūsus carnem suam propriam abīre videt. Aquam spectat et canem videt…sine carne. Quam trīstis est canis! Canis domum sine carne et sine gaudiō it.
Quid docet haec fābula? Amittit meritō proprium quī aliēnum adpetit.
Bene, satis est. Haec hodiē habuī quae dīcerem! Quid vōs? Placuitne vōbīs haec fābula? Vultisne plūrēs fābulās Aesopicās audīre? Facite nōs certiōrēs!
Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur.
