Rem Tenē Episodion nōnāgēsimum et Quārtum: Liber Prīmus Aeneidos
Rem Tenē Episodion Nonagesimum et Quārtum: Liber Prīmus
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīs fābulam librī prīmī Aeneidos narrāre velim. Haec omnia episodia paulō longiōra erunt. Audīte et gaudēte!
Arma virumque canō! Quem virum? Aenēam!
Aenēās, profugus Trōiānus, cum sociīs suīs Trōiam relinquit et novam terram petit! Italiam petunt! Vēlīs plēnīs per mare ad Italiam nāvigant. Iam septem annōs nāvigant et Italiam petere volunt. Fessī sunt nautae et Aenēās.
Iūnō, rēgīna deōrum, Aenēan videt maximēque īrāta est. Eum enim et omnēs Trōiānōs odit. Cūr? Duae sunt causae. Prīma est haec: Paris, Priāmī rēgis Trōiānōrum fīlius, nōn eam sed Venerem pulcherrimam esse iudicāvit. Altera vērō est haec: Aenēās Rōmam condet. Rōma Karthāginem, urbem Iūnōnī cārissimam, delēbit.
Iūnō igitur cum Aenēan videat cōnsilium capit. Eum et sociōs eius interficere vult. Itaque ad Aeolum it, rēgem ventōrum et eī imperat ut ventōs ad Aenēan mittat.
Aeolus adnuit et ventōs mittit. Magna iam tempestās est! Aenēās tempestātēs videt et multum metuit. Multae nāvēs ob tempestātem sub aquīs merguntur. Multī nautae moriuntur.
“Utinam Trōiae mortuus essem!” Aenēās ad caelum clāmat.
Neptūnus, deus maris, ubi haec omnia videt, ad ventōs it et imperat eīs ut abeant. Ille enim deus maris est. Tantum eī licet tantam tempestātem facere! Ventī abeunt.
Iam nāvēs septem proxima litora petunt. Omnēs dē nāvibus dēscendunt. Nautae defessī sunt. Scopulum videt Aenēās eumque conscendit. In summō scopulō iam stat et omnia prōspicit. Multōs videt cervōs et septem eōrum certīs sagittīs interficit.
Dum sociī Aenēae cēnant, eōs maerēre videt et sīc loquitur:
“Sociī! Vōs maerēre videō sed graviōra passī sumus! Mala bene nōvimus! Sed sociī, deus fīnem dabit! Iam superāvistis Scyllam et Cyclopēs, mōnstra horribilia! Revocāte animōs et mittite timōrem! In Latium īmus et novam Trōiam condēmus! Dūrāte, sociī, et vōs rēbus secundīs servāte!”
Fīnem loquendī facit et sociōs bene cōnsolātus est. Venus, māter Aenēae, venit persōnam vēnātrīcis gerēns et eī omnia dē Karthāgine narrat.
Aenēās et eius sociī ad urbem Karthāginem eunt et templum pulcherrimum Iūnōnis vident. In templō sunt imāginēs pulcherrimae. Aenēās imāginēs spectat. Sunt imāginēs bellī Trōiānī! Aenēās, omnia vidēns, lacrimat.
Eō lacrimante, fēmina pulcherrima et pharētrā armāta venit. Dīdō est. Rēgina Karthāginis est. Virōs rēgit et lēgēs facit. Laeta Dīdō omnēs Trōiānōs excipit nam ea quoque profuga est et difficultātēs eōrum bene nōvit.
Paulō post, fīlius Aenēae, Ascanius nōmine, ad Dīdōnem rēgīnam it et cum eā sedet. Sed nōn est Ascanius. Est Cupīdō! Novus est in pectore Dīdōnis amor…
Bene; satis est. Haec hodiē habuī quae dīcerem.
Quid vōs? Placuitne vōbīs haec narrātiō?
Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur.
